Aol Volk brengt plattelandskrimi In naam der wet
Vrolijke plattelandkrimi van Harm Dijkstra; regie Ina Nieuwhoff
EMMEN - In het plaotselijke politiebureau is grote consternatie oetbreuken naodat er in het darp een moord pleegd is. Opper Sikkema hef zulks nog nooit eerder bij de kop had en warkt zuch aal dieper in de nusten en komp er, dunder en bliksem nog an toe, niet achter wel of de moordenaar is. De commissaris zit hum achter de vodden want er bint verdachten zat.
As er dan een zwarver oppakt wordt, die hum vanoet de cel geregeld het leste bloed under de nagels vothaalt, liekt het er op dat de moordenaar nooit ontmaskerd zal worden. En ??.of dat oeteindelijk toch lukt moej z?lf maar zien in dizze heuse plattelandskrimi. Uniek veur ?t Aol Volk! Spannend tot het lest an toe !
Wij neudigt je geern oet veur de première van dit stuk op vrijdag 16 november 2012 in ”de Muzeval” in Emmen. De zaal giet um zeuven uur lös en dan begunt volgens traditie eerst de kinder te dansen en daornao meziek van ”De Sterrenberg Kapel”. Tot half acht bint je plaotsen reserveerd.
Um acht uur begunt het teniel. Nao het eerste bedrief is het pauze en dan is er veur je as geneudigde weer koffie in ”De Muzenissen”. De lottiesverkopers komt langs en veur dat het twiede bedrief begunt is er een kört optreden van de dansgroep.